• Eyjólfur Einarsson - Eyjar á himni og jörð - Ath. síðasta sýningarhelgi - listamaðurinn verður á staðnum laugardag og sunnudag


    Eyjólfur Einarsson opnar sýningu á olíumálverkum og vatnslitamyndum í Listasafni ASÍ, Freyjugötu 41, laugardaginn 10. september kl. 15.00. Sýnir hann í öllu húsinu en þetta er síðasta sýningin sem haldin er á vegum Listasafns ASÍ í húsinu. Sýningin heitir Eyjar á himni og jörð og er fantasía um lífið og tilveruna og spurningar sem engin svör fást við. Eyjólfi finnst mikill heiður að sýna í húsinu sem ber nafn fyrsta myndlistarkennara hans og tileinkar þess vegna þessa sýningu Ásmundi Sveinssyni með því að sýna tvær styttur sem hann gerði 11 til 12 ára undir handleiðslu Ásmundar.
  • Stöpullinn - Margrét Helga Sesseljudóttir - Undur sem er hógvær guð


    Nú er á Stöplinum myndverk Margrétar Helgu Sesseljudóttur; Undur sem er hógvær guð á stöpli Gunnfríðar Jónsdóttur fyrir framan Listasafn ASÍ við Freyjugötu 41. Verk Margrétar Helgu er það sjöunda í röð listaverka sem sett verða á stöpulinn en hann var tekinn í notkun í október 2013. Val á listamönnum á þessum sýningarvettvangi fer þannig fram að þeir velja sjálfir eftirmann sinn á stöplinum.