01. júlí 2006 til 13. október 2006

Akvarell ASÍ Reykjavík - Svavar Guðnason, Daði Guðbjörnsson, Eiríkur Smith, Hafsteinn Austmann og Kristín Þorkelsdóttir

Á sýningunni eru vatnslitamyndir eftir : Daða Guðbjörnsson Eirík Smith Hafstein Austmann Kristínu Þorkelsdóttur Svavar Guðnason Þessir listamenn spanna þrjár kynslóðir íslenskrar listasögu. Þeir eiga það sameiginlegt að hafa fengist við vatnslitamálun um áratuga skeið og náð umtalsverðum árangri í glímunni við vatnslitinn sem er afar vandmeðfarinn miðill. Svavar Guðnason 1909-1988 var einn helsti frumherji abstraktlitarinnar á Íslandi Á sýningunni eru óhlutbundnar, ljóðrænar vatnslitamyndir sem sýna glöggt þann litagaldur sem einkenna verk Svavars. Verk þessi fékk Listasafn ASÍ að gjöf frá ekkju hans Ástu Eiríksdóttur. Eiríkur Smith f. 1925 Eiríkur hefur fengist við hlutbundið jafnt sem óhlutbundið málverk. Hann sýnir að þessu sinni óhlutbundn verk sem hafa skírskotun til náttúrunnar. Í þeim eru eindregnar láréttar og lóðréttar áherslur, kannske ávæningur af láréttri jarðskorpu eða sjóndeildarhring. Hasteinn Austmann f. 1934 Vatnslitamyndir Hafsteins einkennast af óvenju næmri tilfinningu fyrir núinu. Hann gerir tilraunir með byggingu, hreyfingu og liti í verkum sínum, litróf þeirra tært og hlaðið kvikri ljóðrænu. Kristín Þorkelsdóttir f.1936 Samspil forma, lita og flata er ævinlega tært og yfirvegað í verkum Kristínar, meginatriði eru á hreinu og smáatriði fá aldrei að drepa á dreif kjarna þess sem verið er að segja i myndænu formi. Í verkum hennar er að finna sjaldgæfa virðingu fyrir rými, skilning á því að þögn eða andrúm séu jafn máttug til miðlunar eins og hlæði og hljóð. Daði Guðbjörnsson f.1954 Myndir Daða stofna til ærslafenginnar hátíðar í þeirri von að ofurlítil geggjun komi vitinu fyrir fólk. En kannske má líka finna undir niðri fyrir söknuði eftir ímyndaðri gullöld málverksins.

Svavar Guðnason 1909-1988 var einn helsti frumherji abstraktlitarinnar á Íslandi Á sýningunni eru óhlutbundnar, ljóðrænar vatnslitamyndir sem sýna glöggt  þann litagaldur sem einkenna verk Svavars. Verk þessi fékk Listasafn ASÍ að gjöf frá ekkju hans Ástu Eiríksdóttur.

 

Eiríkur Smith f. 1925

Eiríkur hefur fengist við hlutbundið jafnt sem óhlutbundið málverk. Hann sýnir að þessu sinni óhlutbundn verk sem hafa skírskotun til náttúrunnar. Í þeim eru eindregnar láréttar og lóðréttar áherslur, kannske ávæningur af láréttri jarðskorpu eða sjóndeildarhring.

 

Hasteinn Austmann f. 1934

Vatnslitamyndir Hafsteins einkennast af óvenju næmri tilfinningu fyrir núinu. Hann gerir tilraunir með byggingu, hreyfingu og liti í verkum sínum, litróf þeirra tært og hlaðið kvikri ljóðrænu.

 

Kristín Þorkelsdóttir f.1936

Samspil forma, lita og flata er ævinlega tært og yfirvegað í verkum Kristínar, meginatriði eru á hreinu og smáatriði fá aldrei að drepa á dreif kjarna þess sem verið er að segja i myndænu formi.  Í verkum hennar er að finna sjaldgæfa virðingu fyrir rými, skilning á því að þögn eða andrúm séu jafn máttug til miðlunar eins og hlæði og hljóð.

 

Daði Guðbjörnsson f.1954

Myndir Daða stofna til ærslafenginnar hátíðar í þeirri von að ofurlítil geggjun komi vitinu fyrir fólk. En kannske má líka finna undir niðri fyrir söknuði eftir ímyndaðri gullöld málverksins.

 

Til baka