08. apríl 2006 til 30. apríl 2006

Anna Jóelsdóttir heima?/home?

Í nýútkominni sýningarskrá fjallar Jón Proppé listfræðingur um verk Önnu og segir m.a.: " Í málverkum Önnu Jóelsdóttur æða litaborðar skrykkjótt yfir myndflötinn og virðast rista upp sjálft yfirborð myndarinnar á sumum stöðum svo úr sprungunum vella fram litir og línur í óreiðu eins og beljandi gosmökkur, allt teiknað greinilega fram móti skjannahvítum grunni. Litaðir borðarnir benda til þess að farið sé hratt yfir, með eldingarhraða eins og í teiknimynd, en ólgan og óreiðan í sprungunum vísar á flóknari veröld sem liggur undir niðri og þar sem línur sveigjast litir blandast og öllu ægir saman. Þannig er hreinni afstraksjón og margræðri formleysu stefnt saman í einn myndflöt og þessi átök eru það sem móta verk Önnu og gera þau svo grípandi".

Á sýningunni verður innsetning stórra, lítilla, örsmárra, ferhyrndra, sporöskjulaga og þrivíðra verka.

 

Anna lauk MFA námi í myndlist við listaháskólann í Chicago 2002 . Hún hefur tekið þátt í fjölda sýninga m.a. í Museum of Contemporay Art í Chicago,

STUX Gallery í New York, Hafnarborg, Nýlistasafninu í Reykjavík, Evanston Art Center, og Peking Biennalnum. Sýningin í Listasafni ASÍ er áttunda einkasýning Önnu. Hún býr og starfar í Chicago í Bandaríkjunum.    

Til baka