31. október 2015 til 22. nóvember 2015

Olga Bergmann - Hvarfpunktur / Vanishing point

31. október til 22. nóvember: Hvarfpunktur - Vanishing Point - Verkin á sýningu Olgu Bergmann skírskota í fleiri en eina túlkun á hugmyndinni um hvarfpunkt.

Hvarfpunktur er sjónhverfing um þrívídd á tvívíðum myndfleti þar sem samsíða línur í fjarvídd dragast saman í einn punkt.
Þar sem hvarfpunktur myndast hverfur geta okkar til að sjá lengra.
Það má einnig leggja þann skilning í orðið að hvarfpunktur hafi myndast í lífríki jarðar af mannavöldum sem veldur því að samvægi raskast og hröð hnignun á sér stað.
Verkin á sýningunni byggja líka á hugrenningum um Gaia - kenningu Lovelocks um að allt líf á jörðinni sé eins og risavaxinn líkami eða lífvera
sem ávallt leitar leiða til að endurheimta jafnvægi þegar það hefur raskast.

Til baka