25. ágúst 2018 til 17. febrúar 2019

Svipir: Valin verk úr safneign Listasafns ASÍ

Laugardaginn 25. ágúst opnaði Listasafnið á Akureyri dyrnar að nýju eftir miklar endurbætur á húsakynnum safnsins. Ein af sýningunum sem þá opnuðu var Svipir: Valin verk út safneign Listasafns ASÍ. Sýningin stendur til 17. febrúar 2019.

Í safneign Listasafns ASÍ er að finna margvíslega gullmola úr íslenskri listasögu. Ragnar Jónsson í Smára lagði grundvöllinn að safninu með því að gefa ASÍ málverkasafn sitt, um 120 myndir, sem flestar eru eftir þekktustu myndlistarmenn þjóðarinnar. Listaverkaeign safnsins hefur síðan vaxið jafnt og þétt frá stofnun þess árið 1961. 

Á sýningunni Svipir gefur að líta portrettmyndir eftir listamenn sem hafa sett mark sitt á íslenska listasögu. Meðal verka á sýningunni eru myndir eftir Gunnlaug Scheving, Jón Stefánsson, Júlíönu Sveinsdóttur, Jón Engilberts, Kristján Davíðsson, Sigurð Sigurðsson, Snorra Arinbjarnar, Nínu Tryggvadóttur, Þorvald Skúlason og Jóhannes Kjarval. Málverkin eru frá tímabilinu 1920-1957 og veita góða innsýn í portrettmyndir þess tíma í listasögunni.

Sýningarstjórar: Elísabet Gunnarsdóttir og Hlynur Hallsson.

Til baka