23. maí 2019 til 30. júní 2019

GJÖFIN TIL ÍSLENZKRAR ALÞÝÐU – stofngjöf Ragnars í Smára til Listasafns ASÍ

Sýning í Listasafni Árnesinga í Hveragerði 14. júní – 15. september 2019. Sýningin er samvinnuverkefni Listasafns ASÍ og Listasafns Árnesinga. Sýningarstjóri er Kristín G. Guðnadóttir listfræðingur. - Verið velkomin á opnun föstudaginn 14. júní kl. 17:30 //// NÝ BÓK UM STOFNGJÖFINA //// Sama dag kemur út bók um stofngjöfina sem fjallar um öll verkin 147 sem tilheyra gjöf Ragnars í Smára. Gjöfin, sem hefur að geyma verk eftir marga af þekktustu myndlistarmönnum þjóðarinnar, varð kveikjan að stofnun Listasafns ASÍ. Ósk Ragnars var sú að stofnað yrði listasafn sem kæmi listinni á framfæri við vinnandi fólk í landinu. Listasafn ASÍ gefur bókina út, Elísabet Gunnarsdóttir safnstjóri ritstýrði útgáfunni, Kristín G. Guðnadóttir listfræðingur ritaði grein í bókina og valdi texta með nokkrum verkanna. Sarah M. Brownsbergar þýddi texta bókarinnar á ensku, Vigfús Birgisson ljósmyndaði verkin og Arnar & Arnar sáu um hönnun.

Til baka