Brynhildur Þorgeirsdóttir – HUGARLUNDUR

12. mars – 3. apríl 2011

Brynhildur Þorgeirsdóttir

Hugarlundur

Á sýningunni Hugarlundur eru skúlptúrar, sem að stórum hluta voru unnir í samvinnu við og á gestavinnustofu The Glass Museum í Tacoma í Bandaríkjunum.

Verkin eru fígúratífir skúlptúrar með rætur í jurtaríkinu, þar sem Brynhildur skapar ímyndaðar lífverur og nýjar tegundir, meðal annars:

Glitrur, Órur, Hygglur, Trækur og Elftistör.

Í þessum verkum mætast náttúruvísun, ímyndunarafl og efnisleg nákvæmni, þar sem glerið gegnir lykilhlutverki í lífrænni og viðkvæmri tjáningu listakonunnar.

Um listakonuna

Brynhildur Þorgeirsdóttir stundaði nám við Myndlista- og handíðaskóla Íslands, Gerrit Rietveld Academie í Hollandi og California College of Arts and Crafts, auk sérnáms í gleri við Orrefors í Svíþjóð og Pilchuck Glass School í Bandaríkjunum.

Verk Brynhildar er að finna í öllum helstu listasöfnum landsins, auk safna í ýmsum löndum. Hún hefur hlotið fjölda styrkja og viðurkenninga, meðal annars tvisvar úthlutun úr Pollock–Krasner Foundation.

Af verkum hennar í almenningsrýmum má nefna:

• Landslagsmynd í Garðabæ

• Klett við Leirvog í Reykjavík

• Pendúll hússins í MK

• Minnisvarða um framtíðina á Akureyri og í Háskólanum í Reykjavík

Sýningin Hugarlundur er 15. einkasýning Brynhildar á Íslandi.