Útimyndlistarsýning – MINNING UM MYNDLIST

08. september 2012 – 30. september 2012

MINNING UM MYNDLIST

Útimyndlistarsýningarnar á Skólavörðuholt á árunum 1967–1972 brutu blað í sögu höggmyndalistar á Íslandi og voru jafnframt kím að stofnun Myndhöggvarafélagið. Sýningarnar fimm voru víðfeðmar. Fjörutíu og fimm listamenn á aldrinum 17–75 ára tóku þátt. Eldri kynslóð virtra listamanna, ungir róttækir listamenn, listnemar og áhugamenn sýndu hlið við hlið verk sem spönnuðu mikla vídd í aðferðarfræði, inntaki og efniviði.

Grásteinn, brons, tré og járn, jafnt sem plast, fundnir hlutir og heilhveitibrauð voru meðal þess sem notað var í verkunum á Holtinu. Andi og hugsjónir 1968-kynslóðarinnar sveimuðu yfir vötnunum – samvinna, bjartsýni, sköpunarkraftur og vitund um tjáningarfrelsi – en einnig ríkur vilji til að gera myndlist sýnilegri í borgarmyndinni og ná til hins almenna borgara. Sýningarnar vöktu mikla athygli; margir hneyksluðust, aðrir nutu nýstárlegrar myndlistar með opnum huga, en óumdeilt er að útimyndlistarsýningarnar breyttu skilningi almennings á höggmyndalist.

Nú, um fjörutíu árum síðar, er kominn tími til að skoða og endurskoða þennan merka listviðburð. Ásmundarsalur – hús Ásmundur Sveinsson á Skólavörðuholti, sem nú hýsir Listasafn ASÍ – var vagga sýninganna og því viðeigandi að minnast þeirra í þessu sögufræga húsi.

Á sýningunni verða sýnd nokkur þeirra verka sem sýnd voru á Holtinu, meðal annars eftir Dieter Roth, Hallsteinn Sigurðsson, Ingi Hrafn Hauksson, Jón Gunnar Árnason, Jón B. Jónsson, Ragnar Kjartansson, Sigrún Guðmundsdóttir, Sigurjón Ólafsson og Þorbjörg Pálsdóttir.

Stór hluti verkanna er ekki lengur til, svo sem Flugan eftir Magnús Tómasson og Súperþvottavélin eftir Róska, og verður mörgum þeirra því gerð skil með ljósmyndum og öðrum heimildum. Þar verður meðal annars stuðst við einkaljósmyndasafn og úrklippusafn Ragnar Kjartansson, myndhöggvara. Einnig verður sýnd ný heimildamynd eftir Katrín Agnes Klar og Inga Ragnarsdóttir, sem byggir á viðtölum við nokkra þeirra listamanna sem tóku þátt í útimyndlistarsýningunum.

Þátttakendur í útimyndlistarsýningunum voru:
Benóní Ægisson; Blómagrúppan / Óttar Felix Hauksson og Karl Júlíusson; Dieter Roth; Björgvin Sigurgeir Haraldsson; Einar Hákonarson; Erlendur Finnbogi Magnússon; Gestur Þorgrímsson; Guðmundur Ármann Magnússon; Guðmundur Benediktsson; Guðmundur Elíasson; Guðmundur Másson; Gunnar Örn Gunnarsson; Gunnar Malmberg; Gunnsteinn Gíslason; Gylfi Gíslason; Hallsteinn Sigurðsson; Hreinn Friðfinnsson; Ingi Hrafn Hauksson; Jóhann Eyfells; Jón Gunnar Árnason; Jón Benediktsson; Jón B. Jónasson; Jónína Guðnadóttir; Kolbrún Benediktsdóttir; Kristín Eyfells; Kristján Guðmundsson; Kristján Ingi Einarsson; Magnús Á. Árnason; Magnús Pálsson; Magnús Tómasson; Ragnar Kjartansson; Róska; Sigfús Thorarensen; Sigurður Guðmundsson; Sigurður Steinsson; Sigurlinni Pétursson; Sigrún Guðmundsdóttir; Sigurjón Ólafsson; Snorri Sveinn Friðriksson; Sverrir Haraldsson; Sævar Daníelsson; Þorbjörg Pálsdóttir; Þórður Ben Sveinsson / Sun Trip Company.

Sýningin er samstarfsverkefni Myndhöggvarafélagið og Listasafn ASÍ.
Í sýningarnefnd sitja Inga Ragnarsdóttir, Sólveig Aðalsteinsdóttir, Ragnhildur Stefánsdóttir og Kristín G. Guðnadóttir.