Svavar Guðnason, Magnús Helgason, Úlfur Karlsson og Úlfur Eldjárn – A HARD DAY’S NIGHT
15. febrúar 2014 – 9. mars 2014
Svavar Guðnason, Magnús Helgason, Úlfur Karlsson og Úlfur Eldjárn – A Hard Day’s Night
A Hard Day’s Night er önnur sýningin í sýningarröðinni SAMSPIL, þar sem komið er á stefnumóti ungra listamanna við gamla meistara.
Að þessu sinni hittir expressjónistinn Svavar Guðnason myndlistarmennina Magnús Helgason og Úlf Karlsson, auk tónlistarmannsins Úlfs Eldjárns.
Verkin á sýningunni eru sprottin úr lífstilfinningu listamannanna og fylgja sterkri rödd ímyndunaraflsins og hugans sem hefur verið leystur úr fjötrum hefðbundinna, viðtekna og staðnaðra skoðana.
Sýningarstjóri er Kristín G. Guðnadóttir.
Um listamennina
Svavar Guðnason (1909–1988) var einn helsti frumkvöðull abstraktlistar í íslenskri myndlist. Hann starfaði í Danmörku á stríðsárunum og var einn af róttæku og nýskapandi listamönnunum sem tengdir hafa verið Cobra-hreyfingunni. Sýning hans á sjálfsprottnum abstraktverkum í Reykjavík árið 1945 braut blað í íslenskri listasögu og voru áhrifin líkt við loftstein sem hefði lent í borginni. Verk Svavars er að finna í helstu listasöfnum Danmerkur og í fjölmörgum einkasöfnum víða um Evrópu.
Magnús Helgason (f. 1977) nam myndlist við AKI – Akademie voor Beeldende Kunst í Enschede í Hollandi á árunum 1997–2001. Hann hefur starfað við myndlist, ljósmyndun og ópraktíska kvikmyndagerð og haldið sýningar bæði hérlendis og erlendis. Magnús hefur sýnt kvikmyndir sínar við tónlist fjölda tónlistarmanna og hljómsveita, meðal annars Jóhanns Jóhannssonar, Kiru Kira og Apparat Organ Quartet, og sýnt í yfir fjörutíu borgum víða um heim, meðal annars í Centre Pompidou í París, Kiasma í Helsinki, Konunglega listasafninu í Kaupmannahöfn og Bozar í Belgíu. Hann hefur einnig kennt við Listaháskóla Íslands.
Úlfur Karlsson (f. 1988) er menntaður við Kvikmyndaskóla Íslands, Myndlistaskólann á Akureyri, Listaháskólann í Vilnius og Valand listaháskólann í Gautaborg, þaðan sem hann útskrifaðist árið 2012. Verk hans hafa verið sýnd í Reykjavík, Gautaborg, Aþenu og á Ísafirði, auk þess sem stuttmyndir eftir hann hafa verið sýndar í New York og Svíþjóð.
Úlfur Eldjárn (f. 1976) er tónskáld, hljóðfæraleikari og upptökustjóri. Hann hefur samið tónlist fyrir kvikmyndir, sjónvarp og leikhús, meðal annars Hamlet í Borgarleikhúsinu, og er meðlimur hljómsveitarinnar Apparat Organ Quartet. Hann hefur gefið út þrjár plötur undir eigin nafni: Yfirvofandi (2009), Field Recordings: Music from the Ether(2011) og Ash (2013). Úlfur lauk BA-gráðu í tónsmíðum frá Listaháskóla Íslands árið 2013.
Viðburðir og umfjöllun
Á opnun sýningarinnar, 15. febrúar kl. 16:00, flutti Úlfur Eldjárn tónlistargjörning. Hljóðverkið var skilið eftir sem hluti sýningarinnar meðan hún stóð.
Umfjöllun:
Djöflaeyjan – RÚV
Víðsjá – RÚV
Viðtal við Magnús Helgason – RÚV
Nánari upplýsingar:
